ప్రపంచకప్ తర్వాత రొనాల్డో పెళ్లి

పోర్చుగల్ ఫుట్‌బాల్ దిగ్గజం క్రిస్టియానో రొనాల్డో 2026 ఫిఫా ప్రపంచకప్ తన కెరీర్‌లో చివరి ప్రపంచకప్ అని అధికారికంగా ప్రకటించారు. ప్రపంచకప్ ఫలితం ఎలా ఉన్నా, టోర్నమెంట్ అనంతరం తన చిరకాల భాగస్వామి జార్జినా రోడ్రిగ్స్‌ను వివాహం చేసుకోనున్నట్లు వెల్లడించారు. ఈ నిర్ణయం అభిమానుల్లో విశేష ఆసక్తిని రేకెత్తిస్తోంది.

రొనాల్డో తెలిపిన వివరాల ప్రకారం, 2026 ఆగస్టులో తన స్వస్థలమైన పోర్చుగల్‌లోని మడెయిరాలో వివాహ వేడుక జరగనుంది. ఎన్నో ఏళ్లుగా కలిసి జీవిస్తున్న ఈ జంట ఇటీవలే నిశ్చితార్థం చేసుకోగా, ప్రపంచకప్ అనంతరం వివాహ బంధంతో ఒక్కటయ్యేందుకు సిద్ధమవుతోంది.