డెవలపర్లకు ఓపెన్‌ఏఐ బంపర్‌ ఆఫర్‌..

పెరుగుతున్న ఏఐ పోటీ నేపథ్యంలో OpenAI కీలక నిర్ణయం తీసుకుంది. తన ఫ్లాగ్‌షిప్‌ GPT-5.6 Sol మోడల్‌ API, అర్హత ఉన్న క్రెడిట్‌ వినియోగ ధరలను వచ్చే మూడు నెలలకు 20 శాతానికిపైగా తగ్గించింది. ఈ కొత్త ధరలు OpenAI APIకి వర్తించడంతో పాటు ChatGPT Work, Codexలో అర్హత ఉన్న క్రెడిట్‌ వినియోగానికి కూడా అమల్లోకి వస్తున్నాయి. అయితే Pro, Plus, Business సబ్‌స్క్రిప్షన్‌ ధరలు యథాతథంగా ఉంటాయని సంస్థ తెలిపింది.

ప్రస్తుతం సాధారణ షార్ట్‌-కాంటెక్స్ట్‌ వినియోగానికి GPT-5.6 Sol ధర ప్రతి 10 లక్షల ఇన్‌పుట్‌ టోకెన్లకు 4 డాలర్లు, అవుట్‌పుట్‌ టోకెన్లకు 20 డాలర్లుగా ఉంది. ఈ ప్రమోషనల్‌ ధర కనీసం నవంబర్‌ 21, 2026 వరకు అందుబాటులో ఉంటుందని OpenAI అధికారిక మోడల్‌ పేజీ పేర్కొంది. అధునాతన ఏఐ మోడళ్ల మధ్య పోటీ పెరుగుతున్న సమయంలో ఈ ధరల తగ్గింపు డెవలపర్లు, సంస్థలకు ఖర్చును తగ్గించే అవకాశాన్ని కల్పించనుంది.