గూగుల్ కొత్త అప్‌డేట్.. ఆండ్రాయిడ్-ఐఫోన్ ఫైల్ షేరింగ్ ఇక మరింత ఈజీ!

గూగుల్ ఆండ్రాయిడ్ మరియు ఐఫోన్ యూజర్ల మధ్య ఫైల్ షేరింగ్‌ను మరింత సులభతరం చేసే కీలక అప్‌డేట్‌ను ప్రకటించింది. గత ఏడాది తొలిసారిగా గూగుల్ పిక్సెల్10 సిరీస్‌కు మాత్రమే అందుబాటులోకి వచ్చిన క్విక్ షేర్ ఫీచర్‌ను ఇప్పుడు శామ్‌సంగ్, వన్‌ప్లస్, ఒప్పో, వివో, షియోమీ, హానర్ వంటి బ్రాండ్ల డివైస్‌లకు విస్తరించింది. గూగుల్ ఐ/ఓ 2026కు ముందు నిర్వహించిన ఆండ్రాయిడ్ షోలో ఈ ప్రకటన వెలువడింది.

ఈ కొత్త అప్‌డేట్‌తో క్విక్ షేర్ ఫీచర్‌కు ఆపిల్ ఎయిర్‌డ్రాప్‌తో మెరుగైన అనుకూలత లభించనుంది. ప్రస్తుతం ఈ ఫీచర్‌కు మద్దతు అందిస్తున్న డివైస్‌లలో సామ్‌సంగ్‌గెలాక్సీఎస్26 సిరీస్, గూగుల్ పిక్సెల్10 సిరీస్, గూగుల్ పిక్సెల్ 9 సిరీస్, గూగుల్ పిక్సెల్ 8a, ఒప్పోఫైండ్X9 సిరీస్, ఒప్పోఫైండ్ N6, వివోX300అల్ట్రా ఉన్నాయి. ఈ ఫీచర్ వల్ల ఆండ్రాయిడ్, ఐఫోన్ వినియోగదారుల మధ్య వైర్‌లెస్ ఫైల్ ట్రాన్స్‌ఫర్ మరింత సులభమవుతుందని టెక్ నిపుణులు అభిప్రాయపడుతున్నారు.