🇦🇺 మైక్రోసాఫ్ట్‌పై ఆస్ట్రేలియాలో కేసు – కోపైలట్ ధరల పెంపుపై వినియోగదారులను తప్పుదారి పట్టించిందన్న ఆరోపణ

ఆస్ట్రేలియాలోని పోటీ కమిషన్ (ACCC) మైక్రోసాఫ్ట్‌పై కేసు వేసింది. కారణం — కంపెనీ తన Microsoft 365 వినియోగదారులను తప్పుదారి పట్టించిందన్న ఆరోపణ.కోపైలట్ అనే AI అసిస్టెంట్‌ను Microsoft 365లో చేర్చిన తర్వాత కంపెనీ సబ్‌స్క్రిప్షన్ ధరలను భారీగా పెంచింది. 2024 అక్టోబర్ 31న మైక్రోసాఫ్ట్ తన వినియోగదారులకు ఈ పెంపు గురించి ఇమెయిల్స్ మరియు బ్లాగ్ పోస్ట్ ద్వారా తెలిపింది. అందులో, “కొత్త ధరలు చెల్లించండి లేదా సబ్‌స్క్రిప్షన్ రద్దు చేసుకోండి” అని చెప్పింది.

అయితే, ACCC చెబుతోంది — కంపెనీ వినియోగదారులకు మూడో అవకాశం ఉందని చెప్పలేదు. అది అంటే — పాత ధరతోనే AI ఫీచర్లు లేకుండా ప్లాన్‌ను కొనసాగించుకోవడం. ఈ సమాచారాన్ని దాచడం వల్ల సుమారు 27 లక్షల మంది వినియోగదారులు తప్పుదారి పట్టారని కమిషన్ పేర్కొంది.Personal ప్లాన్ ధర AUD 109 (₹6,300) నుంచి  AUD 159 (₹9,200)కి పెరిగింది. Family ప్లాన్ ధర  AUD 179 (₹10,300) కి చేరింది.ACCC చైర్ జీనా క్యాస్-గాట్‌లీబ్ మాట్లాడుతూ, “ప్రతి కంపెనీ కూడా వినియోగదారులకు ఖచ్చితమైన ధరలు మరియు ఆప్షన్లు తెలిపాలి. అలా చేయకపోతే చట్టాన్ని ఉల్లంఘించినట్లే,” అని హెచ్చరించారు.కోర్టు మైక్రోసాఫ్ట్ తప్పు చేసినట్లు తేల్చితే, ఒక్కో ఉల్లంఘనకూ AUD 50 మిలియన్ (₹289 కోట్లు) వరకు జరిమానా విధించే అవకాశం ఉంది.