ఆరెంజ్ క్యాప్ అందుకున్న యంగ్ స్టార్ వైభవ్

ఐపీఎల్ 2026 లో రాజస్థాన్ రాయల్స్ యువ ఆటగాడు వైభవ్ సూర్యవంశీ అద్భుత ప్రదర్శన కొనసాగిస్తున్నాడు. పంజాబ్ కింగ్స్‌తో జరిగిన మ్యాచ్‌లో 43 పరుగులు చేసి ఈ సీజన్‌లో మొత్తం 400 పరుగులు పూర్తి చేశాడు. దీంతో అత్యధిక పరుగులు చేసిన ఆటగాళ్ల జాబితాలో అగ్రస్థానానికి చేరి ఆరెంజ్ క్యాప్ అందుకున్నాడు.

మ్యాచ్ అనంతరం యశస్వి జైస్వాల్ చేతుల మీదుగా వైభవ్‌కు ఆరెంజ్ క్యాప్ అందించారు. ఈ సందర్భంగా తనను సీనియర్ ఆటగాడిగా సంభోదించడంపై జైస్వాల్ సరదాగా స్పందించాడు. తాను ఇంకా చిన్నవాడినేనని, కానీ వైభవ్ తనకంటే మరింత చిన్నవాడని అన్నాడు. వైభవ్ నిర్భయంగా ఆడే తీరు ఎంతో ఆనందం కలిగిస్తుందని ప్రశంసించాడు.