డబ్ల్యూటీసీ ఫైనల్‌ రేసులో టీమిండియాకు అగ్నిపరీక్ష

శ్రీలంకతో రెండో టెస్టు డ్రాగా ముగియడంతో ప్రపంచ టెస్ట్‌ ఛాంపియన్‌షిప్‌ (డబ్ల్యూటీసీ) ఫైనల్‌ రేసులో టీమిండియాకు మార్జిన్‌ ఫర్‌ ఎర్రర్‌ మరింత తగ్గింది. ప్రస్తుతం భారత్‌ 11 మ్యాచ్‌ల్లో 5 విజయాలు, 4 ఓటములు, 2 డ్రాలతో 68 పాయింట్లు, 51.52 శాతం పాయింట్లతో ఐదో స్థానంలో ఉంది. ఇంకా ఏడు టెస్టులు మిగిలి ఉండగా.. న్యూజిలాండ్‌తో రెండు, ఆస్ట్రేలియాతో ఐదు టెస్టులు ఆడాల్సి ఉంది.

ఫైనల్‌కు చేరాలంటే భారత్‌ మిగిలిన ఏడు మ్యాచ్‌ల్లో కనీసం ఆరు విజయాలు సాధించడం అత్యంత కీలకంగా మారింది. ఆరు మ్యాచ్‌లు గెలిచినా ఇతర జట్ల ఫలితాలపై ఆధారపడాల్సిన పరిస్థితి ఉండొచ్చని విశ్లేషణలు చెబుతున్నాయి. ప్రస్తుతం ఆస్ట్రేలియా 80 శాతం పాయింట్లతో అగ్రస్థానంలో, దక్షిణాఫ్రికా 75 శాతం, న్యూజిలాండ్‌ 72.22 శాతం, బంగ్లాదేశ్‌ 55.56 శాతంతో తర్వాతి స్థానాల్లో ఉన్నాయి.