రాంచీ వన్డేలో దక్షిణాఫ్రికాపై విరాట్ కోహ్లీ 52వ సెంచరీ!

రాంచీలో దక్షిణాఫ్రికా తో జరుగుతున్న వన్డే మ్యాచ్‌లో టీమిండియా స్టార్ బ్యాటర్ విరాట్ కోహ్లీ అదరగొట్టారు. చాలా రోజుల తర్వాత మరోసారి దుమ్మురేపుతూ శతకం నమోదు చేశారు. విరాట్ 102 బంతుల్లో 103 పరుగులు చేసి వన్డే కెరీర్‌లో తన 52 వ సెంచరీని నమోదు చేసుకున్నారు.

ఇక మరోవైపు టీమిండియా కెప్టెన్ రోహిత్ శర్మ కూడా అద్భుతంగా రాణించారు. ధాటిగా ఆడి హాఫ్ సెంచరీ పూర్తి చేస్తూ భారత ఇన్నింగ్స్‌కు బలం చేకూర్చారు. ఆయన బ్యాటింగ్‌తో టీమిండియా స్కోరు వేగంగా ముందుకు దూసుకెళ్లింది.

40 ఓవర్లు ముగిసేసరికి నాలుగు వికెట్లు కోల్పోయిన భారత్ 260 పరుగులకు పైగా చేసింది. విరాట్ శతకం, రోహిత్ ఫిఫ్టీతో టీమిండియా బలమైన స్థితిలో నిలిచింది.