టీమ్ ఇండియా టీ20 జట్టులోకి వైభవ్ సూర్యవంశీ ?

కేవలం 15 ఏళ్ల వయస్సులోనే బీహార్‌కు చెందిన యువ ఆటగాడు వైభవ్ సూర్యవంశీ ఐపీఎల్‌లో సంచలనం సృష్టిస్తున్నాడు. రాజస్థాన్ రాయల్స్ తరఫున ఆడుతున్న ఈ యువ బ్యాటర్, చెన్నై సూపర్ కింగ్స్ బౌలర్లపై దూకుడుగా ఆడి కేవలం 17 బంతుల్లో 52 పరుగులు సాధించాడు. అందులో కేవలం 15 బంతుల్లోనే అర్ధశతకం పూర్తి చేసి ఐపీఎల్ రికార్డులను సమం చేశాడు. అతని బ్యాటింగ్ చూస్తుంటే అనుభవజ్ఞుడైన ఆటగాడు ఆడుతున్నట్లుగా కనిపించిందని విశ్లేషకులు అభిప్రాయపడుతున్నారు.

వైభవ్ అద్భుత ప్రదర్శనపై మాజీ క్రికెటర్లు ప్రశంసలు కురిపిస్తున్నారు. కమ్రాన్ అక్మల్ అతడిని త్వరలోనే భారత టీ20 జట్టులోకి తీసుకోవాలని సూచించాడు. భయంలేని బ్యాటింగ్ శైలి, పరిస్థితులకు అనుగుణంగా ఆటను మార్చుకునే సామర్థ్యం అతని ప్రధాన బలం అని నిపుణులు చెబుతున్నారు. యశస్వి జైస్వాల్తో కలిసి ఇచ్చిన ఓపెనింగ్ భాగస్వామ్యం జట్టుకు విజయాన్ని అందించింది. చిన్న వయస్సులోనే అతను చూపుతున్న ప్రతిభ భారత క్రికెట్ భవిష్యత్తుకు శుభ సూచికంగా భావిస్తున్నారు.