టీ20 వరల్డ్ కప్ 2026 : పాకిస్థాన్ క్రికెటర్ల కు పీసీబీ ఫైన్

టీ20 వరల్డ్ కప్ 2026 లో జట్టు పేలవ ప్రదర్శన నేపథ్యంలో పాకిస్థాన్ క్రికెట్ బోర్డు (పీసీబీ) ప్రతి ఆటగాడిపై రూ.50 లక్షల జరిమానా విధించినట్లు సమాచారం. ఈ నిర్ణయం క్రికెట్ అభిమానుల్లో విస్తృత చర్చకు దారితీసింది. ఆటగాళ్ల మ్యాచ్ పారితోషికంతో పోలిస్తే జరిమానా మొత్తం ఎక్కువగా ఉండటం ప్రధానంగా చర్చనీయాంశమైంది.

అంచనాల ప్రకారం ఒక పాక్ ఆటగాడు ఒక్క టీ20 మ్యాచ్‌కు సుమారు రూ.4.18 లక్షలు సంపాదిస్తాడు. టోర్నీలో ఏడు మ్యాచ్‌లు ఆడిన నేపథ్యంలో వారి మొత్తం ఆదాయం సుమారు రూ.29 లక్షల వరకు ఉంటుందని తెలుస్తోంది. అయితే విధించిన రూ.50 లక్షల జరిమానా సోషల్ మీడియాలో తీవ్ర స్పందనకు దారితీసింది.