ఐపీఎల్ లో సునీల్ నరైన్ రికార్డ్!

వెస్టిండీస్ స్పిన్నర్ సునీల్ నరైన్ ఐపీఎల్ చరిత్రలో అరుదైన ఘనత సాధించాడు. ఐపీఎల్ లో 200 వికెట్లు పూర్తి చేసి ఈ మైలురాయిని చేరుకున్న మూడో బౌలర్‌గా నిలిచాడు. ఇప్పటికే యుజ్వేంద్ర చాహల్, భువనేశ్వర్ కుమార్ ఈ ఘనత సాధించగా, నరైన్ 195 మ్యాచ్‌ల్లోనే ఈ రికార్డు చేరుకోవడం విశేషం.

ఐపీఎల్‌లో అత్యధిక వికెట్లు తీసిన బౌలర్ల జాబితాలో చాహల్ (228) అగ్రస్థానంలో ఉండగా, భువనేశ్వర్ కుమార్ (215) రెండో స్థానంలో ఉన్నారు. నరైన్ (200) మూడో స్థానంలో నిలిచాడు. పీయూష్ చావ్లా, రవిచంద్రన్ అశ్విన్, జస్ప్రీత్ బుమ్రా వంటి దిగ్గజాల కంటే ముందుకు రావడం అతని ప్రతిభను చాటుతోంది.