మళ్లీ RR హెడ్ కోచ్‌గా సంగక్కర

ఐపీఎల్ 2026 కోసం రాజస్థాన్ రాయల్స్ తమ హెడ్ కోచ్‌గా మళ్లీ కుమార్ సంగక్కరను నియమించినట్లు అధికారికంగా ప్రకటించింది. అలాగే ఆయన డైరెక్టర్ ఆఫ్ క్రికెట్ బాధ్యతలను కూడా కొనసాగించనున్నారు. సంగక్కర 2021 నుంచి 2024 వరకు హెడ్ కోచ్‌గా పనిచేసిన సమయంలో రాయల్స్ ఐపీఎల్ 2022 ఫైనల్‌కు చేరగా, ఐపీఎల్ 2024 ప్లే ఆఫ్స్‌లో స్థానం దక్కించుకుంది. IPL 2025లో రాహుల్ ద్రవిడ్ బాధ్యతలు చేపట్టిన తర్వాత ఇప్పుడు జట్టుకు మరింత స్థిరత్వం ఇవ్వడానికి సంగక్కరను మళ్లీ తీసుకొచ్చారు.

ఫ్రాంచైజీ లీడ్ ఓనర్ మనోజ్ బడాలే మాట్లాడుతూ — జట్టుపై సంగక్కరకు ఉన్న లోతైన అవగాహన, ఆయన నిశ్చల స్వభావం, నాయకత్వ లక్షణాలు ఈ దశలో రాయల్స్‌కు అత్యంత ముఖ్యమని అన్నారు. జట్టును కొత్త దశలో ముందుకు నడిపించడానికి ఆయన క్రికెటింగ్ ఇంటెలిజెన్స్ కీలకమని పేర్కొన్నారు. ఇక విక్రం రాథోడ్ను లీడ్ అసిస్టెంట్ కోచ్గా ప్రమోట్ చేశారు. షేన్ బాండ్ బౌలింగ్ కోచ్‌గా కొనసాగుతారు. అలాగే ట్రెవర్ పెన్నీ అసిస్టెంట్ కోచ్‌గా, సిడ్ లహిరీ పెర్ఫార్మెన్స్ కోచ్‌గా తిరిగి చేరుతున్నారు.