టెస్ట్ క్రికెట్‌లో రిషభ్ పంత్ రికార్డు...

టీమిండియా స్టార్ వికెట్ కీపర్ బ్యాటర్ రిషభ్ పంత్ టెస్ట్ క్రికెట్‌లో మరో అరుదైన ఘనతను సొంతం చేసుకున్నాడు. టెస్టుల్లో 100 సిక్సర్లు బాదిన బ్యాటర్ల ప్రత్యేక జాబితాలోకి పంత్ చేరాడు. ఈ మైలురాయిని అందుకోవడంతో సుదీర్ఘ ఫార్మాట్‌లో తన దూకుడైన బ్యాటింగ్‌తో మరోసారి ప్రత్యేకత చాటుకున్నాడు.

కేవలం 89 ఇన్నింగ్స్‌ల్లోనే 100 సిక్సర్ల మార్క్‌ను చేరుకున్న రిషభ్ పంత్, ఇన్నింగ్స్‌ల పరంగా ఈ ఘనత సాధించిన అత్యంత వేగవంతమైన బ్యాటర్‌గా రికార్డు నెలకొల్పాడు. ఈ జాబితాలో ఆస్ట్రేలియా మాజీ వికెట్ కీపర్ ఆడమ్ గిల్‌క్రిస్ట్, న్యూజిలాండ్ మాజీ కెప్టెన్ బ్రెండన్ మెకల్లమ్, ఇంగ్లండ్ స్టార్ బెన్ స్టోక్స్ ఇప్పటికే ఉండగా.. తాజాగా పంత్ కూడా వారి సరసన చేరాడు.