కోనేరు హంపీకి కాంస్యం.. విషెస్ చెప్పిన ఏపీ మంత్రి నారా లోకేష్!

ఖతార్‌లో జరిగిన ఫిడే మహిళల వరల్డ్ ర్యాపిడ్ చెస్ ఛాంపియన్‌షిప్ 2025లో కాంస్య పతకం సాధించిన భారత గ్రాండ్‌మాస్టర్ కోనేరు హంపీకి ఏపీ ఐటీ మంత్రి లోకేష్ నారా అభినందనలు తెలిపారు. అంతర్జాతీయ వేదికపై ఆమె మరోసారి ప్రతిభను చాటుకోవడం గర్వకారణమని పేర్కొన్నారు.

గత ఏడాది వరల్డ్ ర్యాపిడ్ టైటిల్ గెలిచిన హంపీ, ఈసారి కూడా అద్భుత ప్రదర్శనతో తన స్థిరత్వాన్ని నిరూపించారని లోకేష్ నారా ప్రశంసించారు. ఆమె విజయం విజయవాడకు, ఆంధ్రప్రదేశ్‌కు, దేశానికి గర్వకారణమని పేర్కొంటూ, భవిష్యత్‌లో బంగారు పతకం సాధించే దిశగా మరిన్ని విజయాలు అందుకోవాలని ఆకాంక్షించారు.