నవీ ముంబై మున్సిపల్ ఎలక్షన్స్, WPL 2026 మూడు మ్యాచ్‌ ల్లో పలు మార్పులు

డబ్ల్యూపీఎల్ 2026 లో భాగంగా ఈ నెల14 నుంచి 16 వరకు నవీ ముంబైలో జరగాల్సిన మూడు మ్యాచ్‌లు ప్రేక్షకులు లేకుండా నిర్వహించనున్నారు. ఈ మ్యాచ్‌లు క్లోజ్డ్ డోర్స్ వెనుక జరుగుతాయని నిర్వాహకులు స్పష్టం చేశారు. మహిళల ప్రీమియర్ లీగ్‌కు సంబంధించి ఇది కీలక నిర్ణయంగా మారింది.

స్థానిక ఎన్నికలు జరుగుతున్న నేపథ్యంలో భద్రతా కారణాల వల్ల ఈ నిర్ణయం తీసుకున్నారు. ఎన్నికల సమయంలో భారీగా పోలీసు బలగాలు భద్రతా విధుల్లో నిమగ్నం కావాల్సి ఉండటంతో, స్టేడియంలో ప్రేక్షకులను అనుమతించడం సాధ్యం కాదని అధికారులు తెలిపారు. అందుకే నవీ ముంబైలో జరిగే ఈ మూడు డబ్ల్యూపీఎల్ మ్యాచ్‌లు ప్రేక్షకులు లేకుండానే నిర్వహించనున్నారు.