రిటైర్మెంట్ వెనక్కి తీసుకున్న భారత స్టార్ రెజర్ల్ వినేశ్ ఫొగట్!

పారిస్ ఒలింపిక్స్‌లో అనూహ్యంగా బరువు ప్రమాణాలు మించిన కారణంగా అనర్హత వేటు పడిన వినేశ్ ఫోగట్ తీవ్ర నిరాశతో రిటైర్మెంట్‌ను ప్రకటించింది. ఆ షాక్‌ నుండి బయటపడటానికి ఎక్కువ సమయం పట్టిందని వెల్లడించిన ఆమె, ఇప్పుడు నిర్ణయం మార్చుకుని మళ్లీ క్రీడలోకి తిరిగి వస్తున్నట్లు శుక్రవారం సోషల్ మీడియా ద్వారా ప్రకటించారు. తన కొడుకుతో కలిసి కొత్త ఉత్సాహంతో ఒలింపిక్ పథంలో అడుగుపెడుతున్నానని, 2028 లాస్ ఏంజిల్స్ ఒలింపిక్స్‌ బరిలో నిలుస్తానని స్పష్టం చేశారు.

పారిస్ గేమ్స్‌లో 50 కిలోల విభాగంలో ఫైనల్‌కు అర్హత సాధించిన వినేశ్, 100 గ్రాములు అధిక బరువు కారణంగా అనర్హతకు గురై అపీల్స్ కూడా ఫలించకపోవడంతో రిటైర్మెంట్ ప్రకటించింది. ఆసియా మరియు కామన్వెల్త్ గేమ్స్‌లో మూడు సార్లు స్వర్ణం సాధించిన ఆమె, ఇప్పుడు తిరిగి మైదానంలోకి అడుగుపెడుతూ తన కెరీర్‌లో మొదటి ఒలింపిక్ పతకాన్ని దక్కించుకోవాలని లక్ష్యంగా పెట్టుకున్నారు.