

తమిళనాడులో రైతులు, ఉపాధ్యాయులకు ముఖ్యమంత్రి విజయ్ ప్రభుత్వం భారీ ఊరట కల్పించింది. తమ డిమాండ్ల సాధన కోసం గతంలో శాంతియుతంగా నిరసనలు చేపట్టిన వారిపై నమోదైన పోలీసు కేసులను ఉపసంహరించుకోవాలని నిర్ణయించింది. సెప్టెంబర్ 2న అసెంబ్లీ వేదికగా ఇచ్చిన హామీ మేరకు సీఎం విజయ్ ఈ నిర్ణయం తీసుకున్నారు. ఇందులో భాగంగా 2021 మే నుంచి 2026 ఏప్రిల్ మధ్య నమోదైన మొత్తం 600 కేసులను ప్రభుత్వం అధికారికంగా ఎత్తివేసింది. ఈ నిర్ణయంతో రాష్ట్రవ్యాప్తంగా 92 వేల మందికి పైగా రైతులు, ఉపాధ్యాయులకు ప్రయోజనం చేకూరనుంది.
కేసుల ఉపసంహరణకు సంబంధించిన ప్రక్రియను అధికారులు చట్టపరమైన నిబంధనలను క్షుణ్ణంగా పరిశీలించిన తర్వాత పూర్తి చేసినట్లు సమాచారం. శాంతియుత నిరసనల్లో పాల్గొన్న కారణంగా కేసులు ఎదుర్కొంటున్న వారికి ఈ నిర్ణయం ద్వారా ఊరట లభించనుంది. అసెంబ్లీలో ఇచ్చిన హామీని అమలు చేస్తూ ప్రభుత్వం ఈ చర్యలు చేపట్టింది. దీంతో నిరసనలకు సంబంధించిన వందలాది కేసుల నుంచి వేలాది మంది విముక్తి పొందనున్నారు.




కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!