

కాంగ్రెస్ అగ్రనేత సోనియా గాంధీ ఆత్మకథ ‘బి లాంగింగ్: ఎ జర్నీ ఆఫ్ లవ్’ పుస్తకావిష్కరణ కార్యక్రమం ఈరోజు సాయంత్రం 6:30 గంటలకు ఢిల్లీలో జరగనుంది. ప్రముఖ ప్రచురణ సంస్థ హార్పర్కాలిన్స్ ఆధ్వర్యంలో ఈ కార్యక్రమాన్ని నిర్వహించనున్నారు. ఈ పుస్తకావిష్కరణకు కాంగ్రెస్ పార్టీకి చెందిన కొద్దిమంది ప్రముఖ నాయకులకు మాత్రమే ఆహ్వానాలు అందినట్లు సమాచారం. దీంతో ఈ కార్యక్రమంపై రాజకీయ వర్గాల్లో ఆసక్తి నెలకొంది.
ఈ కార్యక్రమానికి కాంగ్రెస్ అగ్రనేతలు రాహుల్ గాంధీ, ప్రియాంక గాంధీ వాద్రాతో పాటు తెలంగాణ ముఖ్యమంత్రి రేవంత్ రెడ్డి, తమిళనాడు ముఖ్యమంత్రి, ఇతర ముఖ్య నేతలు హాజరుకానున్నట్లు తెలుస్తోంది. సోనియా గాంధీ జీవిత ప్రయాణం, అనుభవాలు, ఆలోచనలకు సంబంధించిన అంశాలు ఈ ఆత్మకథలో ఉండనున్నాయి. పరిమిత సంఖ్యలో ప్రముఖులకు మాత్రమే ఆహ్వానాలు అందడంతో ఈ పుస్తకావిష్కరణ కార్యక్రమం ప్రాధాన్యత సంతరించుకుంది.



కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!