రాజకీయాల నుండి మమత రిటైర్మెంట్ తీసుకోవాలి - సువేండు అధికారి!

కోల్కతా లో జరిగిన భవానీపూర్ అసెంబ్లీ ఎన్నికల్లో బీజేపీ నేత సువేందు అధికారి విజయం సాధించారు. ఆయన ఆల్ ఇండియా తృణమూల్ కాంగ్రెస్ అభ్యర్థి, ముఖ్యమంత్రి మమతా బెనర్జీపై 15 వేలకుపైగా ఓట్ల తేడాతో గెలిచారు. తన విజయం సర్టిఫికెట్‌ను చూపిస్తూ ఇది కీలక రాజకీయ ఘట్టమని పేర్కొన్నారు.

ఈ విజయం విస్తృత మద్దతును ప్రతిబింబిస్తోందని, వివిధ వర్గాల ఓటర్లు తనకు మద్దతు తెలిపారని అన్నారు. రాజకీయంగా ఇది ముఖ్యమైన మార్పుకు సంకేతమని అభిప్రాయపడ్డారు. ఈ సందర్భంగా బీజేపీ సీనియర్ నేత అమిత్ షా తనతో సంప్రదించి అభినందనలు తెలిపినట్లు వెల్లడించారు.