మోదీ వ్యాఖ్యలపై సోషల్ మీడియాలో చర్చా..

ప్రధానమంత్రి నరేంద్ర మోదీ హైదరాబాద్ పర్యటన సందర్భంగా ముఖ్యమంత్రి రేవంత్ రెడ్డితో వేదిక పంచుకున్నారు. ఈ సందర్భంగా రేవంత్ తనతో చేతులు కలిపితే పూర్తి స్థాయిలో సహాయం చేస్తానని, సరైన గమ్యానికి తీసుకెళ్తానని మోదీ వ్యాఖ్యానించారు. ప్రధాని చేసిన ఈ వ్యాఖ్యలు రాజకీయ వర్గాల్లో ఆసక్తిని రేకెత్తించగా, సోషల్ మీడియాలో పెద్ద ఎత్తున చర్చకు దారితీశాయి. కొందరు దీనిని రేవంత్ రెడ్డికి భారతీయ జనతా పార్టీలో చేరాలన్న సంకేతంగా అభిప్రాయపడ్డారు.

అయితే రాజకీయ విశ్లేషకులు మాత్రం ఈ వ్యాఖ్యలను సాధారణ రాజకీయ మర్యాదగా చూస్తున్నారు. తెలంగాణలో కాంగ్రెస్ పార్టీని అధికారంలోకి తీసుకువచ్చిన రేవంత్ రెడ్డికి పార్టీలో బలమైన స్థానం ఉందని చెబుతున్నారు. రాహుల్ గాంధీ నమ్మకాన్ని సంపాదించుకున్న ఆయన ప్రస్తుతం కాంగ్రెస్‌లో కీలక నాయకుడిగా కొనసాగుతున్నారు. ఈ నేపథ్యంలో పార్టీ మార్పుపై వస్తున్న ఊహాగానాలకు పెద్దగా ప్రాధాన్యం లేదనే అభిప్రాయం వ్యక్తమవుతోంది.