రాజధానికి అమరావతి నేల అనుకూలం కాదు - వైఎస్సార్‌సీపీ నేత సజ్జల

వైఎస్సార్ కాంగ్రెస్ పార్టీ నేత సజ్జల రామకృష్ణారెడ్డి అమరావతి రాజధాని నిర్మాణంపై తీవ్ర విమర్శలు చేశారు. రాజధానికి అమరావతి నేల అనుకూలం కాదని పేర్కొంటూ, ఒక రూపాయి ఖర్చు చేయాల్సిన చోట పది రూపాయలు ఖర్చు చేస్తున్నారని ఆరోపించారు. రాజధాని పనులు త్వరగా పూర్తికావడం ముఖ్యమంత్రి చంద్రబాబుకు ఇష్టం లేదని, రాజధాని పేరుతో భారీ స్థాయిలో నిధుల దుర్వినియోగానికి అవకాశం కల్పిస్తున్నారని విమర్శించారు.

అమరావతి పేరిట రూ.47 వేల కోట్ల అప్పు చేశారని, అదే నిధులతో రాష్ట్రవ్యాప్తంగా అనేక అభివృద్ధి కార్యక్రమాలు చేపట్టవచ్చని సజ్జల అన్నారు. భూములు ఇవ్వని రైతులను ఇబ్బందులకు గురిచేస్తున్నారని, వారి భూముల చుట్టూ గుంతలు తవ్విస్తున్నారని ఆరోపించారు. రెండేళ్లలో రూ.3 లక్షల కోట్లకు పైగా అప్పులు చేశారని, సోషల్ మీడియా పేరుతో టీడీపీ ఫేక్ ప్రచారం నిర్వహిస్తోందని కూడా విమర్శించారు. ఇవి సజ్జల చేసిన రాజకీయ ఆరోపణలు కాగా, వీటిపై అధికార పక్షం స్పందించాల్సి ఉంది.