'బాలన్ - ది బాయ్'పై లెజెండరీ దర్శకుడు మణిరత్నం ప్రశంసలు

కేవీఎన్ ప్రొడక్షన్స్, తెస్పియన్ ఫిలింస్ సంయుక్తంగా నిర్మించిన "బాలన్ - ది బాయ్" చిత్రం తెలుగు, మలయాళం, తమిళం, కన్నడ, హిందీ భాషల్లో విడుదలై మంచి ఆదరణ పొందుతోంది. "ఆవేశం" ఫేమ్ జితూ మాధవన్ కథ అందించగా, "మంజుమ్మెల్ బాయ్స్" దర్శకుడు చిదంబరం ఈ చిత్రాన్ని తెరకెక్కించారు. తెలుగు రాష్ట్రాల్లో ఈ చిత్రాన్ని అన్నపూర్ణ స్టూడియోస్ విడుదల చేసింది.

తాజాగా ఈ చిత్ర ప్రత్యేక ప్రదర్శనకు హాజరైన లెజెండరీ దర్శకుడు మణిరత్నం సినిమా చూసి కథనం, నటీనటుల నటనను ప్రశంసించారు. ఇప్పటికే నాగచైతన్య, ప్రియదర్శన్, సూర్య, జ్యోతిక వంటి ప్రముఖుల ప్రశంసలు అందుకున్న ఈ చిత్రానికి మణిరత్నం నుంచి వచ్చిన అభినందనలు తమకు ఎంతో గౌరవంగా భావిస్తున్నామని చిత్రబృందం తెలిపింది.