డిప్యూటీ సీఎంగా సునేత్ర పవార్ ప్రమాణస్వీకారంపై సమాచారం లేదన్న శరద్‌ పవార్..

ఎన్సీపీ అధినేత శరద్ పవార్ డిప్యూటీ సీఎం పదవిపై సునేత్ర పవార్ ప్రమాణస్వీకారానికి సంబంధించిన అంశంపై కీలక వ్యాఖ్యలు చేశారు. సునేత్ర పవార్ ఉప ముఖ్యమంత్రిగా ప్రమాణస్వీకారం చేయనున్నట్టు తనకు ఎలాంటి సమాచారం లేదని ఆయన స్పష్టం చేశారు. అంతేకాకుండా, డిప్యూటీ సీఎం పదవి తీసుకుంటున్నట్టు సునేత్ర పవార్ కూడా తనకు చెప్పలేదని వెల్లడించారు. ఈ పరిణామం తనకు పూర్తిగా అనూహ్యమని శరద్ పవార్ వ్యాఖ్యానించారు.

రెండు పార్టీల విలీన ప్రక్రియపై ఈ నెల 17 న చర్చలు జరిగాయని, వచ్చే నెల 12 న విలీనానికి ముహూర్తం కూడా ఖరారు చేసినట్లు శరద్ పవార్ తెలిపారు. అయితే ఈ ప్రక్రియలో ఇటువంటి పరిణామం జరుగుతుందని ఊహించలేదని అన్నారు. ఎన్సీపీలో జరుగుతున్న పరిణామాలు రాజకీయ వర్గాల్లో చర్చనీయాంశంగా మారాయి.