బాలీవుడ్‌లో విషాదం.. ప్రముఖ దర్శకుడు సంజయ్‌ గుప్తా కన్నుమూత

బాలీవుడ్‌లో విషాదం చోటుచేసుకుంది. ప్రముఖ దర్శకుడు, నిర్మాత సంజయ్‌ గుప్తా (57) కన్నుమూశారు. ముంబయిలోని తన నివాసంలో శుక్రవారం రాత్రి ప్రమాదవశాత్తు కిందపడటంతో ఆయన తలకు తీవ్ర గాయాలైనట్లు సమాచారం. ఈ గాయాల కారణంగానే ఆయన మరణించినట్లు ప్రాథమిక నివేదికలు వెల్లడించాయి. దర్శకుడు అశోక్‌ పండిట్‌ ఆయన మరణవార్తను ధ్రువీకరించారు. సంజయ్‌ గుప్తా ఆకస్మిక మరణంతో బాలీవుడ్‌ చిత్ర పరిశ్రమలో విషాదం నెలకొంది. పలువురు సినీ ప్రముఖులు ఆయన మృతికి సంతాపం వ్యక్తం చేస్తున్నారు.

1994లో విడుదలైన ‘ఆతిష్‌’ చిత్రంతో సంజయ్‌ గుప్తా దర్శకుడిగా తన ప్రస్థానాన్ని ప్రారంభించారు. ఆ తర్వాత ‘కాంటే’, ‘జిందా’, ‘షూటౌట్‌ ఎట్‌ లోఖండ్‌వాలా’, ‘షూటౌట్‌ ఎట్‌ వడాలా’, ‘కాబిల్‌’, ‘జజ్బా’, ‘ముంబై సాగా’ వంటి చిత్రాలతో గుర్తింపు తెచ్చుకున్నారు. ముఖ్యంగా ముంబయి అండర్‌వరల్డ్‌, నేరాలు, యాక్షన్‌ నేపథ్యంలో సినిమాలు తెరకెక్కిస్తూ తనకంటూ ప్రత్యేక శైలిని ఏర్పరచుకున్నారు. దర్శకుడిగానే కాకుండా నిర్మాతగా, రచయితగా కూడా హిందీ చిత్ర పరిశ్రమకు సేవలందించారు.