హార్భజన్, రాఘవ చద్దాపై పంజాబ్ సీఎం ఫైర్

మాజీ క్రికెటర్ హర్భజన్ సింగ్, రాఘవ్ చద్దా సహా మరో ఐదుగురు రాజ్యసభ సభ్యులు ఆమ్ ఆద్మీ పార్టీకి రాజీనామా చేసి బీజేపీలో చేరడం రాజకీయాల్లో పెద్ద చర్చకు దారి తీసింది. ఈ విషయంపై స్పందించిన పంజాబ్ ముఖ్యమంత్రి భగవంత్ మాన్ తీవ్రంగా స్పందించారు. హర్భజన్ సింగ్‌పై బీజేపీ ఒత్తిడి తీసుకువచ్చిందని, క్రికెట్ కామెంటరీ అవకాశాలను కూడా ఒత్తిడిగా ఉపయోగించిందని ఆయన ఆరోపించారు.

బీజేపీ బీసీసీఐపై తన ప్రభావాన్ని ఉపయోగించి, తమతో చేరకపోతే కామెంటరీ అవకాశాలు కోల్పోతారని హెచ్చరించిందని మాన్ చెప్పారు. పార్టీ మార్చిన ఎంపీలను ఆయన పంజాబ్‌కు “ద్రోహులు”గా అభివర్ణించారు. ప్రజలు ఇచ్చిన నమ్మకాన్ని వారు వమ్ము చేశారని విమర్శించారు. ఈ పరిణామాన్ని “ఆపరేషన్ లోటస్”లో భాగంగా పంజాబ్ ప్రభుత్వాన్ని అస్థిరపరిచే ప్రయత్నంగా ఆప్ నేతలు పేర్కొన్నారు.