దొడ్డి కొమరయ్యకు కేసీఆర్ నివాళులు

తెలంగాణ సాయుధ రైతాంగ పోరాట తొలి అమరుడు దొడ్డి కొమరయ్య జయంతి సందర్భంగా బీఆర్ఎస్ అధినేత కేసీఆర్ ఘన నివాళులు అర్పించారు. ప్రజా వ్యతిరేక పాలనకు వ్యతిరేకంగా జరిగిన పోరాటానికి ఆయన త్యాగం ఒక గొప్ప చిహ్నంగా నిలిచిందని తెలిపారు. నేటికీ ప్రజా ఉద్యమాలకు ఆయన స్ఫూర్తిగా నిలుస్తున్నారని చెప్పారు.

తెలంగాణ ఉద్యమం విజయవంతం కావడంలో మరియు రాష్ట్రం సాధించడంలో అమరుల త్యాగాలు ముఖ్య పాత్ర పోషించాయని కేసీఆర్ అన్నారు. ఎన్నో సవాళ్లను ఎదుర్కొంటూ రాష్ట్రం అభివృద్ధి దిశగా ముందుకు సాగడంలో కూడా ఆ త్యాగాల ప్రేరణ ఉందని పేర్కొన్నారు.

సమాజంలో ఆత్మగౌరవం, సమానత్వం, హక్కులు అందరికీ అందేలా చూడడం ద్వారా మాత్రమే దొడ్డి కొమరయ్య వంటి అమరులకు నిజమైన నివాళి అర్పించినట్లు అవుతుందని కేసీఆర్ స్పష్టం చేశారు. ప్రజల పోరాటాలను గుర్తించి వారికి హక్కులు కల్పించడం ప్రభుత్వాల బాధ్యత అని తెలిపారు.