బంజారా ప్రముఖులతో కల్వకుంట్ల కవిత భేటీ

కల్వకుంట్ల కవిత, తెలంగాణ జాగృతి అధ్యక్షురాలు, హైదరాబాద్‌లో రిటైర్డ్ అడిషనల్ డీజీపీ డీటీ నాయక్ నివాసానికి వెళ్లి ఆయనతో పాటు బంజారా సామాజికవర్గ ప్రముఖులతో సమావేశమయ్యారు. ఈ నెల 25న కొత్త రాజకీయ పార్టీ ప్రారంభించనున్న నేపథ్యంలో, బంజారా సమాజం ఎదుర్కొంటున్న సమస్యలు, వారి అభివృద్ధికి చేపట్టాల్సిన చర్యలపై చర్చించారు.

కాంగ్రెస్ ప్రభుత్వం మంత్రివర్గంలో బంజారాలకు ప్రాతినిధ్యం ఇవ్వలేదని కవిత విమర్శించారు. ఉమ్మడి ఆంధ్రప్రదేశ్ కాలంలో కూడా ఇలాంటి పరిస్థితి లేదన్నారు. తమ కొత్త పార్టీలో బంజారా సమాజానికి తగిన గౌరవం, రాజకీయ అవకాశాలు కల్పిస్తామని హామీ ఇచ్చారు. అలాగే బంజారా మేధావులు, యువత తమ పార్టీకి మద్దతుగా ముందుకు రావాలని పిలుపునిచ్చారు.