నెతన్యాహుపై ఫైనాన్షియల్ టైమ్స్ సంచలన కథనం

ఇజ్రాయెల్ ప్రధాని బెంజమిన్ నెతన్యాహుపై ప్రముఖ అంతర్జాతీయ పత్రిక ఫైనాన్షియల్ టైమ్స్ సంచలన కథనాన్ని ప్రచురించింది. అమెరికా అధ్యక్షుడు డొనాల్డ్ ట్రంప్‌కు నెతన్యాహు తరచూ ఫోన్ కాల్స్ చేస్తూ ఇరాన్‌తో యుద్ధానికి సంబంధించిన అంశాలపై చర్చించినట్లు ఆ కథనం పేర్కొంది. యుద్ధం ప్రారంభించాలా? తదుపరి ఏం చేయాలి? అనే అంశాలపై ట్రంప్‌తో నెతన్యాహు సంప్రదింపులు జరిపినట్లు వెల్లడించింది. ఇరాన్‌పై సైనిక చర్య విషయంలో అమెరికా మద్దతు పొందేందుకు నెతన్యాహు నిరంతరం ప్రయత్నించినట్లు కథనం వివరించింది.

మరోవైపు, ఇరాన్‌తో యుద్ధాన్ని నెతన్యాహు తన రాజకీయ ప్రయోజనాల కోసం ఉపయోగించుకున్నారని ఫైనాన్షియల్ టైమ్స్ కథనం ఆరోపించింది. దేశీయ రాజకీయ పరిస్థితులు, తన నాయకత్వంపై ఉన్న సవాళ్ల నేపథ్యంలో యుద్ధ పరిణామాలను రాజకీయంగా అనుకూలంగా మలుచుకునేందుకు ప్రయత్నించారని పేర్కొంది. ట్రంప్‌తో నెతన్యాహు జరిపిన వరుస ఫోన్ సంభాషణలు, ఇరాన్‌పై సైనిక చర్యకు సంబంధించిన నిర్ణయాల్లో కీలక పాత్ర పోషించినట్లు కథనం వెల్లడించింది. ఈ కథనం అంతర్జాతీయ రాజకీయ వర్గాల్లో చర్చకు దారితీసింది.