సీఎం రేవంత్ వ్యాఖ్యల పై హరీష్ రావు ఫైర్

మాజీ మంత్రి హరీశ్‌రావు ముఖ్యమంత్రి రేవంత్‌రెడ్డిపై తీవ్ర విమర్శలు చేశారు. ఆయన వ్యాఖ్యలు హింసను ప్రేరేపించేలా ఉన్నాయని ఆరోపించారు. మీడియాతో మాట్లాడిన హరీశ్‌రావు, షాబాద్ ఘటనపై సీఎం స్పందించకపోవడాన్ని తప్పుబట్టారు. రైతుల సమస్యలు, నీటి అంశాలపై ప్రభుత్వం నిర్లక్ష్యం చూపుతూ, ప్రతిపక్షాలపై మాత్రమే దృష్టి పెట్టిందని విమర్శించారు.

ఈటెల రాజేందర్‌తో తనకు ఎలాంటి సంబంధం లేదని స్పష్టం చేసిన హరీశ్‌రావు, తాను జీవితాంతం బీఆర్ఎస్‌లోనే కొనసాగుతానని పేర్కొన్నారు. సీఎం పై అవినీతి ఆరోపణలు చేస్తూ, ఆర్థిక వ్యవహారాల్లో అక్రమాలు జరుగుతున్నాయని అన్నారు. కేంద్రం ఎందుకు విచారణ చేయడం లేదని ప్రశ్నిస్తూ, బీఆర్ఎస్ తరపున పోరాటాన్ని మరింత ఉధృతం చేస్తామని ప్రకటించారు.