డిస్కౌంట్స్, ఆఫర్స్ తగ్గించిన కంపెనీలు

పండుగలు, ఎండ్ ఆఫ్ సీజన్ సేల్స్ సమయంలో కనిపించే భారీ డిస్కౌంట్లు ఈ ఏడాది తగ్గే అవకాశాలు కనిపిస్తున్నాయి. ముడిసరుకు ధరలు, అంతర్జాతీయ రవాణా ఖర్చులు పెరగడంతో కంపెనీలు ఖర్చులను నియంత్రించేందుకు ఆఫర్లను తగ్గిస్తున్నాయి. ముఖ్యంగా ఏసీలు, ఫ్రిజ్‌లు వంటి కన్జూమర్ గూడ్స్ విభాగంలో డిస్కౌంట్లు గతేడాదితో పోలిస్తే 5 నుంచి 10 శాతం వరకు తగ్గినట్లు తెలుస్తోంది. ప్రస్తుతం జరుగుతున్న సేల్స్‌లో కూడా పరిమిత ప్రొడక్ట్స్‌పైనే ఆఫర్లు అందుబాటులో ఉన్నాయి.

రవాణా వ్యవస్థలో అంతరాయాలు, పశ్చిమాసియాలో ఉద్రిక్తతల ప్రభావం వల్ల కంపెనీల వ్యయాలు పెరిగాయి. ఈ భారం పూర్తిగా వినియోగదారులపై మోపలేకపోవడంతో కంపెనీలు డిస్కౌంట్లను తగ్గిస్తున్నాయి. అయితే కస్టమర్లను ఆకట్టుకోవడానికి లాంగ్ టర్మ్ ఈఎంఐలు, ఫైనాన్స్ స్కీమ్స్‌ను ప్రవేశపెడుతున్నారు. మరోవైపు, కొన్ని ప్రముఖ బ్రాండ్లు పూర్తి ధరలకే అమ్మకాలు జరుపుతున్నప్పటికీ, డిమాండ్ స్థిరంగా కొనసాగుతోంది.