టీటీడీ పరిపాలనలో మార్పులు తెచ్చే ప్రయత్నమా పవన్ కళ్యాణ్ ?

ఉప ముఖ్యమంత్రి పవన్ కళ్యాణ్, తిరుమల తిరుపతి దేవస్థానాల (టీటీడీ) పనితీరులో సమూల మార్పులు తీసుకురావాల్సిన అవసరం ఉందని పేర్కొన్నారు. గత వైసీపీ ప్రభుత్వ కాలంలో టీటీడీ బోర్డు పరిపాలనలో జరిగిన వైఫల్యాలు, అవినీతి చర్యలు తిరుమల పవిత్రతను దెబ్బతీశాయని ఆయన తీవ్రంగా విమర్శించారు. పవన్ కళ్యాణ్ ప్రస్తుత బోర్డును పారదర్శకతతో, నమ్మకంతో పని చేసి భక్తుల విశ్వాసాన్ని తిరిగి పొందాలని కోరారు.

ఆయన తన ప్రకటనలో టీటీడీ ఆర్థిక లావాదేవీలు, నాణ్యతా నియంత్రణ, విరాళాల నిర్వహణ తదితర అంశాలను ప్రజలకు పూర్తిగా వెల్లడించాలని సూచించారు. అలాగే హిందూ ధర్మ పరిరక్షణ కోసం సనాతన ధర్మ పరిరక్షణ బోర్డు ఏర్పాటు అవసరమని పునరుద్ఘాటించారు. ధర్మ రక్షణ ప్రతి సనాతని బాధ్యత అని పేర్కొంటూ, ఒక రోజు అన్ని ఆలయాలు సమాజం ఆధ్వర్యంలో నడుస్తాయని ఆశాభావం వ్యక్తం చేశారు.