ఐదు భాషల్లో ‘లీస్ట్‌ ఎలిజిబుల్‌ బ్యాచిలర్‌’

హర్ష చెముడు ప్రధాన పాత్రలో నటించిన కొత్త ఓటీటీ సిరీస్‌ ‘లీస్ట్‌ ఎలిజిబుల్‌ బ్యాచిలర్‌’ విడుదలకు సిద్ధమవుతోంది. బాబు డేగల దర్శకత్వం వహించిన ఈ సిరీస్‌లో ఐశ్వర్య హోలక్కల్‌ కథానాయికగా నటించారు. పలుమార్లు వాయిదా పడిన ఈ సిరీస్‌ అక్టోబర్‌ 9, 2026న ఈటీవీ విన్‌లో స్ట్రీమింగ్‌ కానుంది. చవన్‌, శ్రీధర్‌ చెని, దీపక్‌ ముస్త్యాల నిర్మించిన ఈ సిరీస్‌లో శ్రావ్య చౌదరి, జీవన్‌ రెడ్డి, హైపర్‌ ఆది, శ్రీ విద్య కీలక పాత్రల్లో కనిపించనున్నారు.

ఇదిలా ఉంటే, ‘లీస్ట్‌ ఎలిజిబుల్‌ బ్యాచిలర్‌’ అదే రోజున నెట్‌ఫ్లిక్స్‌లోనూ విడుదల కానుండటం ఆసక్తిని పెంచుతోంది. తెలుగు మాత్రమే కాకుండా హిందీ, తమిళం, కన్నడ, మలయాళ భాషల్లోనూ ఈ 10 ఎపిసోడ్‌ల సిరీస్‌ అందుబాటులోకి రానుంది. అజయ్‌ అరసాడ సంగీతం అందించిన ఈ సిరీస్‌ వినోదభరిత కథాంశంతో ఓటీటీ ప్రేక్షకులను అలరించేందుకు సిద్ధమవుతోంది.