ఓటీటీలోకి కొత్త కొరియన్ సిరీస్... స్ట్రీమింగ్ ఎక్కడంటే?

కొరియన్ డ్రామా అభిమానులకు శుభవార్త. ప్రముఖ దక్షిణ కొరియా నటుడు సియో ఇన్-గుక్ నటించిన తాజా ఆఫీస్ రొమాన్స్ సిరీస్ "సీ యూ ఎట్ వర్క్ టుమారో!" అమెజాన్ ప్రైమ్ వీడియోలో భారత్‌లో స్ట్రీమింగ్ ప్రారంభమైంది. దక్షిణ కొరియాలో ప్రసారమయ్యే షెడ్యూల్‌కు అనుగుణంగా ఈ సిరీస్‌ను భారతీయ ప్రేక్షకులకు కూడా అందుబాటులోకి తీసుకొచ్చారు.

ప్రముఖ కొరియన్ నెట్‌వర్క్ tvN నిర్మించిన ఈ సిరీస్‌లో ప్రేమ, ఆఫీస్ జీవితం, హాస్యాన్ని సమతుల్యంగా చూపించారు. సియో ఇన్-గుక్ ప్రధాన పాత్రలో ఆకట్టుకోనుండగా, యువతతో పాటు ఉద్యోగ జీవితం గడిపే ప్రేక్షకులను కూడా ఈ కథ బాగా కనెక్ట్ అవుతుందని భావిస్తున్నారు. భారతదేశంలో పెరుగుతున్న కే-డ్రామా క్రేజ్‌కు ఈ సిరీస్ మరింత ఊతమివ్వనుంది.