ఏపీలో పంచాయతీ ఎన్నికల షెడ్యూల్ విడుదల..

ఆంధ్రప్రదేశ్‌లో గ్రామ పంచాయతీ ఎన్నికల నిర్వహణకు రాష్ట్ర ఎన్నికల సంఘం నోటిఫికేషన్ విడుదల చేసింది. తొలి విడతలో 3,967 గ్రామ పంచాయతీలకు ఎన్నికలు నిర్వహించనున్నారు. రేపటి నుంచి నామినేషన్ల స్వీకరణ ప్రారంభం కానుంది. ఈ నెల 26న మధ్యాహ్నం వరకు పోలింగ్ నిర్వహించి, అదే రోజు ఓట్ల లెక్కింపు చేపట్టనున్నట్లు ఎన్నికల సంఘం ప్రకటించింది.

రాష్ట్రవ్యాప్తంగా మూడు విడతల్లో పంచాయతీ ఎన్నికలు జరగనున్నాయి. తొలి విడతలో 3,967 పంచాయతీలకు, రెండో విడతలో 4,960 పంచాయతీలకు, మూడో విడతలో 4,240 పంచాయతీలకు ఎన్నికలు నిర్వహించనున్నారు. రాష్ట్ర ఎన్నికల కమిషనర్ ఈ మేరకు నోటిఫికేషన్ జారీ చేశారు. ఈ ఎన్నికలు రాజకీయ పార్టీల గుర్తులతో సంబంధం లేకుండా నిర్వహించనున్నారు.