ధురంధర్‌కు ఎదురేలేదు.. ఓటీటీలో కొత్త రికార్డులు

భారత్‌లో ఓటీటీ ప్లాట్‌ఫార్మ్‌లు వినోద ప్రపంచంలో కీలక భాగంగా మారాయి. తక్కువ ఖర్చుతో ప్రపంచవ్యాప్తంగా ఉన్న సినిమాలు, వెబ్ సిరీస్‌లు ఇంటి నుంచే చూసే అవకాశం కలగడంతో ప్రేక్షకులు ఓటీటీలకు ఎక్కువగా ఆకర్షితులవుతున్నారు. నిర్మాతలకు కూడా ఓటీటీ హక్కులు ముఖ్యమైన ఆదాయ వనరుగా మారాయి. థియేటర్లలో ఆశించిన ఫలితం సాధించని కొన్ని సినిమాలు సైతం ఓటీటీలో భారీ ఆదరణ పొందుతున్నాయి.

2026లో అత్యధిక వ్యూస్ సాధించిన ఓటీటీ చిత్రాల్లో రణ్‌వీర్ సింగ్ నటించిన ‘ధురంధర్ పార్ట్ 1’ అగ్రస్థానంలో నిలిచింది. జనవరి 30న నెట్‌ఫ్లిక్స్‌లో విడుదలైన ఈ చిత్రం 31.1 మిలియన్ వ్యూస్ సాధించినట్లు నివేదికలు చెబుతున్నాయి. జూన్ 5న జియో హాట్‌స్టార్‌లో విడుదలైన ‘ధురంధర్ 2: ది రివెంజ్’ రెండు వారాల్లోనే 16.9 మిలియన్ వ్యూస్ నమోదు చేసింది. ఇదే సమయంలో ఒక తెలుగు సినిమా కూడా 2026 టాప్ 10 ఓటీటీ చిత్రాల జాబితాలో చోటు దక్కించుకోవడం విశేషంగా నిలిచింది.