ఈ నవంబర్‌లో నెట్‌ఫ్లిక్స్‌లో గర్జించడానికి సిద్ధమైన ‘బైసన్’!

ధ్రువ్ విక్రమ్ హీరోగా, మారి సెల్వరాజ్ దర్శకత్వంలో తెరకెక్కిన బైసన్ చిత్రం తన సహజమైన కథనం, శక్తివంతమైన ప్రదర్శనతో ప్రేక్షకులను ఆకట్టుకుంది. ఈ సినిమాలో అనుపమ పరమేశ్వరన్ హీరోయిన్‌గా నటించింది. తాజా సమాచారం ప్రకారం, బైసన్ సినిమా నవంబర్ 21, 2025న నెట్‌ఫ్లిక్స్ ప్లాట్‌ఫారమ్‌లో తమిళం, తెలుగుతో పాటు మరికొన్ని భాషల్లో స్ట్రీమింగ్‌కు సిద్ధమవుతోంది. అయితే, దీనికి సంబంధించిన అధికారిక ప్రకటన ఇంకా వెలువడలేదు. ఈ స్పోర్ట్స్ డ్రామాలో పసుపతి, రాజిషా విజయన్, ఆమీర్, లాల్ తదితరులు కీలక పాత్రల్లో నటించారు. ఈ సినిమాను అప్లాజ్ ఎంటర్‌టైన్‌మెంట్ మరియు నీలం స్టూడియోస్ సంయుక్తంగా నిర్మించాయి. నివాస్ కె. ప్రసన్న ఈ చిత్రానికి సంగీతం అందించారు.