అభివృద్ధి బాధ్యత నాదే.. కాంగ్రెస్‌కు ఆశీర్వదించండి: సీఎం రేవంత్ రెడ్డి

తెలంగాణ అభివృద్ధి బాధ్యతను తానే స్వీకరిస్తానని ముఖ్యమంత్రి రేవంత్ రెడ్డి పేర్కొన్నారు. మున్సిపల్ ఎన్నికల్లో ప్రజలు గత ప్రభుత్వాల పనితీరును, ప్రస్తుత ప్రభుత్వ సంక్షేమ కార్యక్రమాలను పరిశీలించి ఓటు వేయాలని ఆయన కోరారు. ప్రతి పురపాలక సంఘానికి మాస్టర్‌ప్లాన్ రూపొందించి వచ్చే మూడు సంవత్సరాల్లో అభివృద్ధి పథంలో నడిపిస్తామని హామీ ఇచ్చారు.

భాజపా, భారాస ప్రభుత్వాలు రాష్ట్రానికి ఆశించిన స్థాయిలో సేవలు అందించలేదని విమర్శించిన ఆయన, ప్రస్తుత సమస్యలకు గత పాలకులే కారణమని పేర్కొన్నారు. కాంగ్రెస్‌కు పూర్తి మద్దతు ఇవ్వాలని, ప్రజల ఆశీర్వాదంతో అన్ని సమస్యలను పరిష్కరించేందుకు కట్టుబడి ఉన్నామని సీఎం రేవంత్ రెడ్డి తెలిపారు.