తెలంగాణలో డిజిటల్ అడుగు.. వాట్సాప్‌లోనే టెన్త్ హాల్ టికెట్లు

తెలంగాణలో తొలిసారిగా ప్రభుత్వ పరీక్షల విభాగం విద్యార్థుల సౌలభ్యం కోసం వాట్సాప్ ద్వారా టెన్త్ (ఎస్ఎస్సీ) హాల్ టికెట్లు అందించే సేవను అమలు చేస్తోంది. ఈ సేవలు రేపటి నుండి అందుబాటులోకి రానున్నాయి. తల్లిదండ్రుల వాట్సాప్ ద్వారా మీ సేవ సేవలకు “ హాయ్” అని మెసేజ్ పంపడం ద్వారా హాల్ టికెట్ పొందవచ్చని అధికారులు తెలిపారు.

మొబైల్ నంబర్ 8096958096 కు ముందుగా “ హాయ్” పంపిన తర్వాత “ ఎస్ఎస్సీ హాల్ టికెట్ మార్చి 2026” అని టైప్ చేసి, కోరిన అభ్యర్థి వివరాలు నమోదు చేయాలి. వివరాలు విజయవంతంగా ధృవీకరించబడిన తర్వాత సంబంధిత మొబైల్ డివైస్‌లో హాల్ టికెట్ డౌన్‌లోడ్ చేసుకునే అవకాశం కల్పించబడుతుంది.