ఏపీలో అంగన్‌వాడీ కేంద్రాల్లో కొత్త మెనూ

ఆంధ్రప్రదేశ్ రాష్ట్ర ప్రభుత్వం అంగన్‌వాడీ కేంద్రాల్లో పిల్లలకు అందించే పోషకాహారంలో మార్పులు చేసింది. కొత్త నిర్ణయం ప్రకారం వారంలో రెండు రోజుల పాటు చిన్నారులకు గుడ్డు వేయించిన అన్నం అందించనున్నారు. అదే రోజుల్లో ఉడికించిన శనగలను కూడా పిల్లలకు ఇవ్వనున్నారు. ఈ కొత్త ఆహార విధానాన్ని అమలు చేయడంతో ముందు ఇచ్చే పులిహోరను నిలిపివేశారు.

పిల్లల పోషకాహారాన్ని మెరుగుపరచాలనే ఉద్దేశంతో ఈ మార్పులు చేసినట్లు అధికారులు తెలిపారు. బాలామృతం పంపిణీలో కూడా మార్పులు చేశారు. ఏడునెలల నుంచి పన్నెండునెలల వరకు ఉన్న పిల్లలకు జూనియర్ బాలామృతం, పదమూడు నెలల నుంచి ముప్పై ఆరు నెలల పిల్లలకు సీనియర్ బాలామృతం అందించనున్నారు. ఈ చర్యలతో అంగన్‌వాడీ కేంద్రాల్లో పిల్లలకు మెరుగైన పోషకాహారం అందించాలనే లక్ష్యాన్ని ప్రభుత్వం పెట్టుకుంది.