యశ్ ‘టాక్సిక్’ కథ లీక్.. ఫాదర్-సన్ రివెంజ్ సాగా?

కన్నడ స్టార్ యశ్ నటించిన ‘టాక్సిక్: ఏ ఫెయిరీ టేల్ ఫర్ గ్రోన్-అప్స్’ సినిమా కథ లీక్ అయ్యింది. ఇది సాధారణ గ్యాంగ్‌స్టర్ డ్రామా కాదని, భావోద్వేగాలతో కూడిన తండ్రీ-కొడుకుల ప్రతీకార గాథ అని యశ్ స్వయంగా వివరించాడు. భారతదేశం 1947లో స్వాతంత్ర్యం పొందినా గోవా 1961 వరకు పోర్చుగీస్ పాలనలో ఉండటం, ఆ కాలంలోని రాజకీయాలు, స్మగ్లింగ్, అధికార పోరాటాలు ఈ చిత్ర కథకు నేపథ్యం. మూడు దశాబ్దాల పాటు సాగే ఈ ఫిక్షనల్ స్టోరీలో ఒక గ్యాంగ్‌స్టర్ సామ్రాజ్యం ఎలా ఏర్పడింది, ఎలా అంతమైంది అనే అంశాలు లోతుగా చూపిస్తారట.

యశ్‌తో పాటు నయనతార, కియారా అద్వానీ, తారా సుతారియా, హుమా ఖురేషీ, రుక్మిణి వసంత్ వంటి హీరోయిన్లు ముఖ్య పాత్రలు చేస్తున్నారు. సినిమాకాన్‌లో చూపించిన 9 నిమిషాల ప్రివ్యూ అంతర్జాతీయ ప్రతినిధులను ఆకట్టుకుంది. హాలీవుడ్ స్థాయిలో ప్రపంచవ్యాప్తంగా విడుదల చేయాలని మేకర్స్ భావిస్తున్నారు. గీతు మోహందాస్ దర్శకత్వం వహిస్తున్న ఈ చిత్రం త్వరలో రిలీజ్ కానుంది. గోవాలోని కాలనీయ యుగం, నేర సంస్కృతి, రాజకీయాలు, భావోద్వేగాలు కలిసి ఈ సినిమాను ప్రత్యేకం చేస్తాయని ఇండస్ట్రీ వర్గాలు అంటున్నాయి. యశ్ డ్యూయల్ రోల్‌లో కనిపించనున్నాడు. ఈ కథ లీక్ అయిన తర్వాత ఫ్యాన్స్ మరింత ఆసక్తి చూపిస్తున్నారు.