ఇరాన్ చర్చల కోసం ఇస్లామాబాద్‌కు ట్రంప్?

అమెరికా అధ్యక్షుడు డోనాల్డ్ ట్రంప్ ఇరాన్‌తో జరగనున్న రెండో విడత చర్చల్లో పాల్గొనే అవకాశం ఉందని సమాచారం. పాకిస్థాన్ రాజధాని ఇస్లామాబాద్‌లో జరగనున్న ఈ సమావేశానికి ఆయన ప్రత్యక్షంగా లేదా వర్చువల్‌గా హాజరయ్యే అవకాశాలు ఉన్నట్లు నివేదికలు సూచిస్తున్నాయి. అమెరికా, ఇరాన్ దౌత్యవేత్తల మధ్య ఈ వారంలో, ముఖ్యంగా బుధవారం కీలక చర్చలు జరిగే అవకాశం ఉంది.

ఒప్పందం కుదిరితే ట్రంప్ స్వయంగా సంతకం కార్యక్రమానికి హాజరయ్యే అవకాశముందని సమాచారం. చర్చలు సజావుగా కొనసాగుతున్నాయని పాకిస్థాన్ అధికారులు వెల్లడించినట్లు వార్తలు చెబుతున్నాయి. ఇదిలా ఉండగా, టెహ్రాన్-వాషింగ్టన్ మధ్య కుదిరిన రెండు వారాల కాల్పుల విరమణ బుధవారంతో ముగియనుంది. ఈ సీజ్‌ఫైర్‌ను పొడిగించే ఆలోచన లేదని ట్రంప్ ఇప్పటికే స్పష్టం చేశారు.