గ్రామ పంచాయతీ రిజర్వేషన్లు ఫైనల్, ఈ వారం లో ఎన్నికల షెడ్యూల్

తెలంగాణలో గ్రామ పంచాయతీ ఎన్నికల ప్రక్రియ వేగం పుంజుకుంది. పంచాయతీ రిజర్వేషన్లను ప్రభుత్వం సోమవారం ఖరారు చేసింది. ఈ నేపథ్యంలో ప్రతి జిల్లాకు సంబంధించిన గెజిట్‌ నోటిఫికేషన్లు నేడు విడుదల చేయనున్నారు. అనంతరం ఈ వివరాలను ఎన్నికల సంఘానికి పంపిస్తారు.

ఎన్నికల వ్యవహారంపై సోమవారం హైకోర్టులో విచారణ జరగనుంది. కోర్టు అనుమతులు లభించిన వెంటనే, వచ్చే రెండు రోజుల్లోనే ఎన్నికల సంఘం పూర్తిస్థాయి షెడ్యూల్ ప్రకటించే అవకాశం ఉంది.

వచ్చే నెలలో మూడు దశల్లో గ్రామ పంచాయతీ ఎన్నికలను నిర్వహించేందుకు ఈసీ ఏర్పాట్లు ప్రారంభించింది. ఎన్నికల తేదీలపై మంగళవారం జరగనున్న కేబినెట్‌ సమావేశంలో సీఎం మరియు మంత్రులు చర్చించనున్నారని అధికార వర్గాలు తెలిపాయి.