భారీ సెట్ల మధ్య తెరకెక్కుతున్న రామాయణ స్వయంవరం!

సమాచారం ప్రకారం యశ్ మరియు సాయి పల్లవి ప్రతిష్టాత్మక చిత్రం “రామాయణ” కోసం గ్రాండ్ స్వయంవర సన్నివేశాన్ని చిత్రీకరిస్తున్నారు. ప్రస్తుతం జరుగుతున్న షూటింగ్‌లో రావణుడు స్వయంవర సభకు చేరుకునే ఘట్టంతో పాటు శివధనస్సును ఎత్తే కీలక సన్నివేశానికి సంబంధించిన నాటకీయ అంశాలపై ప్రధానంగా దృష్టి పెట్టినట్లు తెలుస్తోంది.

ఈ సన్నివేశానికి అద్భుతమైన విజువల్ ఎఫెక్ట్ తీసుకురావడానికి చిత్రబృందం భారీ స్థాయిలో కృషి చేస్తున్నట్లు సమాచారం. భారీ సెట్లు, వైభవమైన ఆర్ట్ డిజైన్‌, ప్రత్యేక విజువల్ ట్రీట్‌తో ఈ ఎపిసోడ్‌ను అత్యంత గ్రాండ్‌గా తెరకెక్కిస్తున్నారని తెలుస్తోంది. ఇప్పటికే ఈ సినిమాపై భారీ అంచనాలు ఉండగా, తాజా షూటింగ్ అప్‌డేట్స్ అభిమానుల్లో మరింత ఆసక్తిని పెంచుతున్నాయి.