ఓపెన్‌ఏఐ సంచలనం.. తొలి AI చిప్ ‘జలపెనో’ ఆవిష్కరణ

ఓపెన్‌ఏఐ తన తొలి కస్టమ్ డిజైన్ చేసిన ఆర్టిఫిషియల్ ఇంటెలిజెన్స్ (AI) యాక్సిలరేటర్ ‘జలపెనో’ను అధికారికంగా ఆవిష్కరించింది. కాలిఫోర్నియాకు చెందిన సెమీకండక్టర్ సంస్థ బ్రాడ్‌కామ్‌తో కలిసి అభివృద్ధి చేసిన ఈ చిప్‌ను భారీ భాషా నమూనాల (LLMs) ఇన్‌ఫరెన్స్ అవసరాల కోసం ప్రత్యేకంగా రూపొందించారు. చాట్‌జీపీటీ, కోడెక్స్, ఓపెన్‌ఏఐ APIతో పాటు భవిష్యత్ AI సేవలకు వేగవంతమైన పనితీరు, మెరుగైన విద్యుత్ సామర్థ్యాన్ని అందిస్తుందని సంస్థ తెలిపింది.

జలపెనో చిప్‌కు సంబంధించిన ఇంజినీరింగ్ నమూనాలు ఇప్పటికే GPT-5.3-Codex-Spark వంటి మెషిన్ లెర్నింగ్ వర్క్‌లోడ్‌లపై విజయవంతంగా పరీక్షలు పూర్తి చేసినట్లు ఓపెన్‌ఏఐ వెల్లడించింది. ఆర్కిటెక్చర్ నుంచి నెట్‌వర్కింగ్, డేటా సెంటర్ సమీకరణ వరకు బ్రాడ్‌కామ్, సెలెస్టికాతో కలిసి ఈ ప్రాజెక్ట్‌ను అభివృద్ధి చేసింది. వచ్చే ఏడాది నుంచి ఈ చిప్ ఆధారంగా బహుళ తరాల AI కంప్యూటింగ్ ప్లాట్‌ఫారమ్‌ను నిర్మించాలని సంస్థ లక్ష్యంగా పెట్టుకుంది.