నాగబంధం మిస్టరీ రహస్యం బయటకు రాబోతుందా? భారీ బడ్జెట్ వెనుక అసలు కథ ఇదే!

విరాట్ కర్ణ హీరోగా, అభిషేక్ నామా దర్శకత్వంలో తెరకెక్కుతున్న ఎపిక్ అడ్వెంచర్ థ్రిల్లర్ ‘నాగబంధం – ది సీక్రెట్ ట్రెజర్’ జులై 3న గ్రాండ్ థియేట్రికల్ రిలీజ్‌కు సిద్ధమవుతోంది. రూ.110 కోట్ల భారీ బడ్జెట్‌తో రూపొందిన ఈ సినిమాను నిర్మాతలు కిషోర్ అన్నపురెడ్డి, నిశిత నాగిరెడ్డి ఎంతో ప్రతిష్టాత్మకంగా నిర్మించారు.

నిర్మాతల ప్రకారం కథపై ఉన్న నమ్మకంతోనే ఇంత భారీ స్థాయిలో సినిమా తీసినట్లు తెలిపారు. విరాట్ కర్ణ, అభిషేక్ నామా కొత్తవారైనా విజన్‌పై పూర్తి విశ్వాసం ఉందని, విజువల్స్ అద్భుతంగా వచ్చాయని చెప్పారు. ప్రేక్షకులకు ఒక విజువల్ స్పెక్టాకిల్ అనుభవం ఇవ్వబోతుందని పేర్కొంటూ, సక్సెస్ అయితే సీక్వెల్ ప్లాన్ కూడా ఉందని సూచించారు.