నవీన్ చంద్రకు ‘మాస్ జాతర’తో పెద్ద బ్రేక్ వస్తుందా?

మాస్ మహారాజా రవితేజ నటించిన తాజా సినిమా మాస్ జాతర ఈ నెల అక్టోబర్ 31న భారీ స్థాయిలో విడుదల కానుంది. ఇప్పటికే రిలీజ్ చేసిన థియేట్రికల్ ట్రైలర్కు ప్రేక్షకుల నుంచి మంచి స్పందన వచ్చింది. ఆసక్తికరమైన విషయం ఏమిటంటే — ఈసారి అందరి దృష్టిని ఆకర్షిస్తున్నది హీరో రవితేజ కాదని, విలన్ పాత్రలో నటించిన నవీన్ చంద్ర అని చెప్పాలి.

ట్రైలర్‌లో నవీన్ చంద్ర చూపించిన ఇంటెన్స్ లుక్, డైలాగ్ డెలివరీ, మరియు స్క్రీన్ ప్రెజెన్స్ ప్రేక్షకులను ఆకట్టుకుంటున్నాయి. ఆయన పాత్ర అరవింద సమేత వీర రాఘవలోలాగా మళ్లీ ఒక హిట్‌గా నిలవబోతుందనే అంచనాలు ఉన్నాయి.

ఈ చిత్రంలో ఆయన పోషించిన నెగెటివ్ షేడెడ్ పాత్ర బలమైన ప్రదర్శనకు నిదర్శనం అవుతుందనే నమ్మకం ఉంది. అరవింద సమేత తర్వాత నవీన్‌కు పెద్దగా ఆఫర్లు రాకపోయినా, ఈసారి అదే ప్రొడక్షన్ హౌస్ నుంచి వస్తున్న ఈ సినిమా ఆయనకు కెరీర్‌లో టర్నింగ్ పాయింట్ అయ్యే అవకాశం ఉందని అభిమానులు భావిస్తున్నారు.

ఈ చిత్రాన్ని భాను భోగవరపు దర్శకత్వం వహించగా, శ్రీలీల హీరోయిన్‌గా నటించింది. ఈ సినిమాకు భీమ్స్ సిసిరోలియో సంగీతం అందించారు.