RC17 సెట్స్‌పైకి వెళ్ళేదెప్పుడు?

టాలీవుడ్‌లో అత్యంత ఆసక్తిగా ఎదురుచూస్తున్న ప్రాజెక్ట్ RC17. ఈ సినిమాను రామ్ చరణ్, దర్శకుడు సుకుమార్ కలిసి చేస్తున్నారు. ప్రస్తుతం రామ్ చరణ్ నటిస్తున్న పెద్ది సినిమా జూన్‌లో విడుదలకు సిద్ధమవుతోంది. ఆ సినిమా విడుదలైన వెంటనే RC17 షూటింగ్‌లో ఆయన జాయిన్ అవుతారని సమాచారం.

జూన్ 25 నుంచి రెగ్యులర్ షూటింగ్ ప్రారంభమయ్యే అవకాశాలు ఉన్నాయి. గతంలో వీరి కాంబినేషన్‌లో వచ్చిన రంగస్థలం భారీ విజయం సాధించింది. ఈసారి కూడా అంతకంటే పెద్ద హిట్ అవుతుందనే అంచనాలు ఉన్నాయి. అయితే సంగీత దర్శకుడు దేవి శ్రీ ప్రసాద్ ఈ ప్రాజెక్ట్‌లో లేకపోవచ్చని వార్తలు వినిపిస్తున్నాయి. త్వరలోనే అధికారిక వివరాలు వెలువడనున్నాయి.