‘మైసా’ నుంచి ‘ఓ మైసా’ పాట విడుదల

రష్మిక మందన్న కీలక పాత్రలో నటిస్తున్న చిత్రం ‘మైసా’. రవీంద్ర పుల్లె దర్శకత్వం వహిస్తున్న ఈ సినిమాను అన్‌ఫార్ములా ఫిల్మ్స్ నిర్మిస్తోంది. ఇప్పటికే చిత్రీకరణ పూర్తి చేసుకున్న ఈ మూవీ నవంబరు 27న ప్రేక్షకుల ముందుకు రానుంది. ఈ నేపథ్యంలో చిత్ర బృందం ‘ఓ మైసా’ లిరికల్ సాంగ్‌ను విడుదల చేసింది. జేక్స్ బిజోయ్ సంగీతం అందించిన ఈ పాటకు సుద్దాల అశోక్ తేజ సాహిత్యం సమకూర్చగా.. సింధుజా శ్రీనివాసన్ ఆలపించారు.

విభిన్నమైన యాక్షన్ థ్రిల్లర్‌గా తెరకెక్కుతున్న ‘మైసా’లో రష్మిక శక్తిమంతమైన గిరిజన గోండు మహిళ పాత్రలో కనిపించనున్నారు. ఈ పాత్ర కోసం ఆమె ప్రత్యేకమైన లుక్‌లో ప్రేక్షకులను అలరించనున్నారు. ఇప్పటికే సినిమా చిత్రీకరణ పూర్తికాగా.. విడుదల తేదీ దగ్గరపడుతున్న నేపథ్యంలో పాటలతో పాటు ఇతర ప్రచార కార్యక్రమాలపై చిత్ర బృందం దృష్టి సారించింది.