తేజ సజ్జ ‘జాంబీ రెడ్డి 2’లో ఉపేంద్ర.. ఆసక్తి పెంచుతున్న కొత్త పోస్టర్

తేజ సజ్జ హీరోగా తెరకెక్కుతున్న ‘జాంబీ రెడ్డి 2’పై తాజాగా మరో ఆసక్తికరమైన అప్‌డేట్ వచ్చింది. ఈ సినిమాలో కన్నడ రియల్ స్టార్ ఉపేంద్ర కూడా నటిస్తున్నట్లు మేకర్స్ అధికారికంగా ప్రకటించారు. ఉపేంద్ర పుట్టినరోజు సందర్భంగా ఆయనను తలకిందులుగా చూపిస్తూ రూపొందించిన ప్రత్యేక పోస్టర్‌ను విడుదల చేశారు. ఉపేంద్ర విభిన్నమైన ఇమేజ్‌కు తగ్గట్టుగా ఈ పోస్టర్‌ను రూపొందించడంతో సినిమాపై ఆసక్తి మరింత పెరిగింది.

‘హనుమాన్’ కంటే ముందు ప్రశాంత్ వర్మ దర్శకత్వంలో తేజ సజ్జ నటించిన ‘జాంబీ రెడ్డి’కి సీక్వెల్‌గా ఈ చిత్రం తెరకెక్కుతోంది. ‘జాంబీ రెడ్డి 2’కు సుప్రీత్ ఎస్. వర్మ దర్శకత్వం వహిస్తుండగా, పీపుల్ మీడియా ఫ్యాక్టరీ నిర్మిస్తోంది. ఉపేంద్ర ఎంట్రీతో ఈ ప్రాజెక్ట్‌పై తెలుగు, కన్నడ ప్రేక్షకుల్లో మరింత ఆసక్తి నెలకొంది. ప్రస్తుతం సినిమా షూటింగ్ శరవేగంగా కొనసాగుతోంది.