‘రిస్క్’ మూవీ నుంచి ‘దేవుడు వరమందిస్తే’ పాట విడుదల..

జీకే మిరాకిల్స్ బ్యానర్‌పై ఘంటాడి కృష్ణ దర్శకత్వంలో, సందీప్ అశ్వ హీరోగా తెరకెక్కిన యూత్‌ఫుల్ సస్పెన్స్ థ్రిల్లర్ రిస్క్ జూన్ 26న ప్రపంచవ్యాప్తంగా థియేటర్లలో విడుదల కానుంది. ఈ చిత్రంలోని మెలోడీయస్ సాంగ్ “దేవుడు వరమందిస్తే”ను బ్లాక్‌బస్టర్ దర్శకుడు త్రినాథ్ రావు నక్కిన విడుదల చేశారు. ఇప్పటికే ట్రైలర్, పోస్టర్లు, పాటకు ప్రేక్షకుల నుంచి మంచి స్పందన లభిస్తుండగా, సినిమాపై అంచనాలు పెరుగుతున్నాయి.

ఈ సందర్భంగా చిత్ర బృందం ప్రత్యేక సోషల్ మీడియా కాంటెస్ట్‌ను ప్రకటించింది. “దేవుడు వరమందిస్తే” పాట హుక్ స్టెప్‌తో రీల్స్ లేదా డాన్స్ వీడియోలు చేసి దేవుడు వరమందిస్తే, రిస్క్ మూవీ, సందీప్ అశ్వ ట్యాగ్ చేస్తే ఉత్తమ వీడియోలకు నగదు బహుమతులు అందజేయనున్నారు. ప్రేమ, స్నేహం, యూత్ ఎమోషన్స్, సస్పెన్స్ అంశాలతో తెరకెక్కిన ఈ చిత్రం ప్రేక్షకులను తప్పకుండా అలరిస్తుందని చిత్ర యూనిట్ విశ్వాసం వ్యక్తం చేసింది.