‘ది ప్యారడైజ్’కు రికార్డు బిజినెస్.. నాని కెరీర్‌లోనే బిగ్గెస్ట్ డీల్!

నేచురల్ స్టార్ నాని నటిస్తున్న ప్రతిష్టాత్మక చిత్రం ‘ది ప్యారడైజ్’ విడుదలకు ముందే భారీ వ్యాపారం చేసి రికార్డు సృష్టించినట్లు ట్రేడ్ వర్గాలు వెల్లడిస్తున్నాయి. అందుతున్న సమాచారం ప్రకారం, ఈ సినిమా తెలుగు థియేట్రికల్ హక్కులు సుమారు రూ.84 కోట్లకు అమ్ముడైనట్లు తెలుస్తోంది. ఇది నాని సినీ కెరీర్‌లోనే అత్యధిక ప్రీ-రిలీజ్ థియేట్రికల్ బిజినెస్‌గా నిలిచినట్లు ట్రేడ్ విశ్లేషకులు చెబుతున్నారు.

నిజాం హక్కులు రూ.37 కోట్లు, ఆంధ్ర (కోస్తా) హక్కులు రూ.35 కోట్లు, సీడెడ్ హక్కులు రూ.12 కోట్లకు విక్రయమైనట్లు ట్రేడ్ రిపోర్టులు పేర్కొంటున్నాయి. గతంలో నాని నటించిన ‘హిట్ 3’ సినిమా తెలుగు థియేట్రికల్ బిజినెస్ సుమారు రూ.40 కోట్లు కాగా, ‘ది ప్యారడైజ్’ దాదాపు రెండింతల స్థాయిలో ప్రీ-రిలీజ్ బిజినెస్ నమోదు చేసినట్లు సమాచారం. అయితే, ఈ సంఖ్యలపై చిత్రబృందం నుంచి అధికారిక ప్రకటన వెలువడాల్సి ఉంది.